30 июн 07:07
Новости

ОФК Кубоги. Бугун "Сўғдиёна" Туркманистон клуби билан ўйнайди

Бугун Жиззахнинг "Сўғдиёна" жамоаси ОФК Кубоги доирасида гуруҳдаги учинчи ўйинини ўтказади.

Дастлабки икки турда ғалаба қозонган жамоамизга учинчи турда Туркманистоннинг "Алтин Аср" жамоаси рақиблик қилади. Ушбу ўйин бизнинг вақт билан соат 19:00да бошланади. Баҳс "Футбол ТВ" телеканали орқали жонли эфирда намойиш этилади.

Эслатиб ўтамиз, "Сўғдиёна" дастлабки иккита турда ғалабага эришиб, гуруҳ пешқадами бўлиб турибди. "Алтин Аср" эса 4 очко билан иккинчи поғонани банд этган. Ғалаба ёки дуранг жамоамизни кейинги босқичга олиб чиқади.