10 окт 23:29
Новости

Тяжелая атлетика

Оғир атлетика. Акбар Жўраев дунё рекордини ўрнатиб, даст кўтаришда олтин медални қўлга киритди

Норвегияда оғир атлетика бўйича Жаҳон чемпионати ўз якунига етиб бормоқда.

Мусобақада -110 кг вазн тоифасида икки нафар ҳамюртимиз - Руслан Нурудинов ва Акбар Жўраев юртимиз шарафини ҳимоя қилмоқда.

Рио Олимпиадаси чемпиони Руслан Нурудинов даст кўтариш баҳсларини 186 кг натижа билан якунлади - 4-ўрин.

Токио Олимпиадаси ғолиби Акбар Жўраев эса 196 кг натижа билан олтин медалга сазовор бўлди. Бу орқали у даст кўтариш баҳсларида дунё рекордини ўрнатди.

Бироздан сўнг силтаб кўтариш баҳслари бошланади. Ушбу йўналишда ҳам алоҳида медаллар ўйналади. Шунингдек икки йўналишдаги умумий натижалар якунига кўра ҳам медаллар ўз эгаларини топади.