24 дек 09:56
Новости

Тяжелая атлетика

Оғир атлетикачиларимиз Осиё чемпионатида яна бир нечта медалга эга чиқишди

Шу кунларда Қатарда оғир атлетика бўйича ўсмирлар ва ёшлар ўртасидаги Осиё чемпионати ўтказилмоқда.

Унда иштирок этаётган Ўзбекистон терма жамоаси атлетлари навбатдаги медалларни қўлга киритишди.

Қизлар орасида -64 кг вазн тоифасида ташкил этилган беллашувларда икки нафар вакилимиз шоҳсупага кўтарилди. Жумладан, ўсмирлар ўртасида Зулфия Рамазонова даст кўтаришда 83 кг натижа кўрсатиб бронза медалга сазовор бўлди. Ҳудди шу вазн тоифасида ёшлар ўртасида баҳсларга киришган вакилимиз Зиёда Худойқулова ҳам даст кўтариш машқида муваффақиятли иштирок этди ва 92 кг натижа билан кумуш медални делегациямиз ҳисобига қўшиб қўйди.

Ёшлар орасида -67 кг вазн тоифасидаги йигитлар ўртасида ташкил этилган баҳсларда эса Диёрбек Рўзметов даст кўтаришда 140 кг ва силтаб кўтаришда 170 кг натижа кўрсатиб якунда уччала дастурда ҳам кумуш медалларга сазовор бўлди.