04 апр 13:30
Новости

Бокс/ММА

Оғир вазн тоифасидаги рейтинг жанги UFC 316 турнирига кўчирилди

Бахрайн шарафини ҳимоя қилувчи ММА жангчиси Шамиль Газиев ва молдовалик Сергей Спивак ўртасидаги беллашув 8 июнь куни Нюаркда бўлиб ўтадиган UFC 316 мусобақасига кўчирилди.

Бу ҳақда MMAJunkie хабар берди. Мазкур баҳс аслида 17 май куни ўтказилиши керак эди.

Маълумот ўрнида, Газиев оғир вазн тоифасида UFC рейтингида 12, Спивак эса 7-ўринни эгаллаб турибди.

35 ёшли Шамиль 2023 йилдан буён UFC'да фаолият юритади. Февраль ойида UFC Fight Night 250 турнири доирасида бўлиб ўтган сўнгги жангида у америкалик Томас Петерсенни нокаут қилганди.

30 яшар Сергей Спивак эса сўнгги жангини январь ойида бўлиб ўтган UFC 311да бразилиялик Жаилтон Алмейдага қарши ўтказиб, ТКО эвазига муддатидан олдин мағлуб бўлганди.