Open Sud de France. Рублёв мавсумдаги илк ғалабасини қўлга киритди

Open Sud de France турнирида иштирок этаётган дунёнинг 10-ракеткаси Андрей Рублёв иккинчи давра учрашувида ATP рейтингида 111-поғонада бораётган америкалик Кристофер Юбэнксни мағлубиятга учратди - 6/4, 6/3.

Бу россиялик теннисчининг мавсумдаги илк ғалабаси бўлди. Олтмиш олти дақиқа давом этган баҳсда Рублёв 4, Юбэнкс 8 та эйс зарбасини амалга оширган. Бу теннисчиларнинг ўзаро ўтказган илк учрашуви сифатида тарихга кирди. Андрей 1/4 финалда франциялик Артур Риндеркнех ёки грузиялик Николоз Басилашвилига қарши кортга чиқади.