26 июн 16:38
Новости

Осиё Кубоги-2026 саралаш босқичига қуръа ташланди: Ўзбекистон футзал термаси рақибларини билиб олди

Теги : Футзал

Куала-Лумпур шаҳрида Осиё Кубоги-2026 мусобақаси саралаш босқичига қуръа ташлаш маросими бўлиб ўтди.

Қуръа натижаларига кўра, Ўзбекистон терма жамоаси "F" гуруҳидан жой эгаллади ва Қирғиз Республикаси, Шарқий Тимор ҳамда Фаластин терма жамоалари билан куч синашадиган бўлди.

2026 йилги Осиё Кубоги Индонезияда ўтиши 2024 йилнинг 8 ноябрь санасида маълум бўлганди. Қитъа чемпионати финал раундида мезбонлардан ташқари саралаш баҳсларидан муваффақиятли ўтган яна 15 та жамоа иштирок этади.

2026 йили Индонезияда бўлиб ўтадиган Осиё Кубоги саралаш баҳслари шу йилнинг 20-24 сентябрь саналарида ташкиллаштирилади. Саралаш мусобақаси гуруҳ ўйинларига Таиланд, Кувайт, Тожикистон, Қирғиз Республикаси, Саудия Арабистони, Мьянма, Малайзия ҳамда Хитой Халқ Республикаси мезбонлик қилишга буюртма берган.

Ссылка :

Источник : Ўзбекистон футзал федерацияси матбуот хизмати

Рейтинг: