26 дек 14:24
Новости

Бокс/ММА

Отабек Холматов собиқ Жаҳон чемпиони билан реванш жангини ўтказмоқчи

Ярим енгил вазн тоифасидаги ўзбекистонлик профессионал боксчи Отабек Холматов жароҳатидан тикланиб, машғулотларни давом эттирмоқда.

Боксчи ўзи туғилиб ўсган Сирдарё вилоятининг Бахт шаҳрида бўлиб турибди.

У жорий йилнинг март ойида вакант бўлиб турган WBA камари учун америкалик Раймонд Форд билан жанг қилиб, 12-раундда техник нокаут орқали мағлуб бўлганди. Жангдан кейин Холматов оёғидаги жиддий жароҳатини операция қилдирди.

Узоқ танаффусдан кейин Холматов яна машғулотларга киришди. У 2025 йил аввалида Форд билан реванш жангини ўтказиш ниятида.

Раймонднинг ўзи Отабекни мағлуб этганидан кейинги илк ҳимоя жангидаёқ Ник Боллга камарни топширган эди.