20 июл 09:50
Новости

Бокс/ММА, Фотогалерея

Ўзбек ва корейс боксчиларининг Сеулдаги қўшма машғулотидан ФОТОРЕПОРТАЖ

Шу кунларда "Фавзул Мунаввар" промоутерлик клуби боксчилари Корея Республикаси пойтахти Сеул шаҳрида бўлиб туришибди.

Муҳаммадюсуф Нажмиддинов мураббийлигидаги чарм қўлқоп усталаримиз 29 июль куни FW1 промоутерлик компанияси томонидан ташкил этиладиган профессионал бокс кечасида ўз жангларини ўтказишади.

Эътиборлиси, оқшомнинг марказий жангида ҳамюртимиз Шаҳзодбек Шаробиддинов (5-1) кореялик Сон Кван Лига қарши рингга кўтарилади. Ўн икки раундлик жанг ғолиби WBA Asia камарига эга бўлади.

Боксчиларимиз ҳозирда кунига икки маҳалдан кореялик боксчилар билан биргаликда машғулотларни ўтказишяпти. Кечаги кун машғулотларига Корея спорт вазири ҳам ташриф буюрди.

Шунингдек, Кореядаги бокс кечасида боксчиларимиздан Ҳусниддин Мараимов, Дониёрбек Ҳайиталиев, Шаҳбозбек Толибжонов, Сирожбек Исмоилов ва Довруғбек Ибрагимовлар ҳам ўз жангларини ўтказишади.