08 ноя 19:58
Новости

Дзюдо

Ўзбекистон делегацияси Ар-Риёд-2025 Ислом бирдамлик ўйинларидаги илк медалига эга чиқди!

Саудия Арабистонининг Ар-Риёд шаҳри мезбонлик қилаётган VI Ислом бирдамлик ўйинларида Ўзбекистон дастлабки медалини қўлга киритди.

Бугундан старт олган дзюдо беллашувлари доирасида терма жамоамиз аъзоси Лазиза Ҳайдарова (48 кг) бронза медали учун баҳсда қозоғистонлик Диана Буркеевани иппон баҳоси билан мағлуб этиб, делегациямизга ушбу ўйинлардаги илк медални тақдим этди.

Олдинда яна икки ҳамюртимиз иштирокидаги бронза медали учун кечувчи беллашувлар ҳамда икки нафар дзюдочимизнинг финалдаги чиқиши кутиб турибди.