10 дек 12:53
Новости
Тхэквондо
Ўзбекистон миллий терма жамоаси таэквондо ватани — Кореяни қийинчиликсиз мағлуб этиб, "Жамоавий Жаҳон кубоги"нинг бронза медалларини қўлга киритди
Хитойнинг Уси шаҳрида таэквондо WТ бўйича аралаш жамоавий дастурда "Жамоавий Жаҳон кубоги" мусобақасининг финал босқичи бўлиб ўтмоқда.
Унда Ўзбекистон миллий терма жамоаси ҳам иштирок этди ва якунда бронза медалларига эга чиқди.
Жасурбек Жайсунов (80 кг), Шуҳрат Салаев (+80 кг), Феруза Содиқова (67 кг) ҳамда Гулсанам Алижоновадан (+67 кг) иборат вакилларимиз бронза медаллари учун кечган беллашувда таэквондо ватани бўлмиш Корея Республикаси терма жамоасини 2:0 (95:90, 100:20) ҳисобида мағлубиятга учратди ва мусобақа совриндорига айланди.
Шу тариқа, таэквондочиларимиз аралаш жамоавий дастурдаги омадли юришини давом эттирди. Вакилларимиз мазкур дастурда Осиё ўйинларида бронза, жорий йилнинг август ойида Париж Олимпиадасида кўргазмали сифатида ўтказилган мусобақаларда эса кумуш медалларга эга чиққан эди.
Ссылка :
Источник : olamsport.com
Комментарии