20 янв 15:40
Новости

Шахматы

Ўзбекистон шахмат оламидаги нуфузли мусобақалардан бирига мезбонлик қилади

FIDE расмий сайти 2025 йилнинг муҳим мусобақалари санаси ва манзилини эълон қилди.

Шахматнинг энг нуфузли тадбирларидан бири бўлган ва ҳар 2 йилда 1 марта ўтказиладиган FIDE Grand Swiss турнири 3-15 сентябрь кунлари илк бор Ўзбекистонда, Самарқандда ўтказилади.

Турнирнинг аҳамиятли жиҳати шундаки, 1-2 ўрин соҳиблари тўғридан-тўғри Номзодлар турнири йўлланмасини қўлга киритади, дея хабар бермоқда UzChess.

Шунингдек яна бир неча мусобақалар рўйхати:

- Аёллар ўртасидаги жаҳон кубоги - Батуми (Грузия), 5-29 июль.

- FIDE Grand Swiss - Самарқанд (Ўзбекистон), 3-15 сентябрь.

- Жаҳон кубоги - Ҳиндистон, 31 октябрь - 27 ноябрь.

- Рапид ва блиц шахмат бўйича жаҳон чемпионати - Доха (Қатар) - 25-31 декабрь.