13 мар 08:37
Новости
Гандбол
Ўзбекистон U-19 ва U-21 гандбол терма жамоалари Жаҳон кубогини ғалаба билан бошлади
Косовонинг Приштина шаҳрида гандбол бўйича U-19 ўсмирлар ва U-21 ёшлар жамоалари ўртасида Халқаро гандбол федерацияси кубогининг қитъалараро босқичи старт олди.
Ҳар икки ёш тоифасидаги беллашувларда Ўзбекистон терма жамоаси Осиё қитъаси шарафини ҳимоя қилиши ҳақида хабар берган эдик.
Ҳар икки термамиз гуруҳдаги илк ўйинларида Никарагуага қарши баҳс олиб борди. U-21 тоифасидаги ўйинда ҳамюртларимиз 39:30 ҳисобида зафар қучди.
U-19 жамоалари ўртасидаги беллашувда ҳам бизникиларнинг қўли баланд келди — 36:23.
Маълумот ўрнида, ҳар икки ёш тоифасидаги мусобақанинг гуруҳ босқичида 6 та терма жамоа иштирок этади. Қуръага кўра, бу жамоалар аввалига учтадан икки гуруҳга тақсимланди. Ўз гуруҳида 1 ва 2-ўринни эгаллаган жамоалар ярим финалга йўл олади. Учинчи ўрин соҳиблари 5-ўрин учун майдонга тушади.
Ссылка :
Источник : t.me/uzhandballfederation
Комментарии