28 авг 16:35
Новости

Дзюдо

Ўзбекистон vs Украина. Вазни оғирлар ғалабани ҳал қилган беллашув

Босния ва Герцеговиниянинг Сараево шаҳрида дзюдо бўйича кадетлар ўртасидаги жаҳон чемпионати давом этмоқда.

Айни дақиқаларда мусобақанинг сўнгги куни жамоавий баҳслар ўтказилмоқда. Ҳозиргина Ўзбекистон ҳамда Украина терма жамоалари ўртасидаги учрашув ўз якунига етди.

Биз учун қуръа омадсиз келган беллашувда украиналик дзюдочилар 4-1 ҳисобида ғалаба қозониб, ярим финалга йўл олишди. +63 ва +81 кг вазн тоифаларида кечган баҳсларда Қодирова ҳамда Шермаҳматов ўзларидан вазни анча юқори бўлган рақиблари билан беллашишларига тўғри келди.

Жамоамизга ягона ғалабани Муҳибиддинов (-81 кг) тақдим этди. Энди терма жамоамиз бронза медали йўлидаги ўтиш беллашувида иштирок этади.