15 дек 15:56
Новости

Ўзбекистонда ўтадиган аёллар ўртасидаги U-20 Осиё кубогига қуръа ташланди

2024 йилнинг 3-16 март кунлари Ўзбекистонда аёллар ўртасидаги U-20 Осиё кубоги мусобақаси бўлиб ўтади.

Бугун ушбу мусобақага қуръа ташлаш маросими бўлиб ўтди. Унга кўра, Ўзбекистон аёллар терма жамоаси "А" гуруҳида Корея Республикаси, Австралия ва Хитой Тайпеи билан куч синашадиган бўлди.

"B" квартетидан Япония, КХДР, Хитой ва Вьетнам терма жамоалари жой олишди.

Маълумот учун, Осиё кубогида ярим финалга чиққан 4 терма жамоаси 2024 йил Колумбияда бўлиб ўтадиган аёллар ўртасидаги U-20 Жаҳон чемпионатига йўлланмани қўлга киритади.