30 июл 11:55
Новости

Бокс/ММА

Ўзбекистонлик ММА жангчиси чемпионлик камари учун жанг қилади

Оғир вазн тоифасида ўзбекистонлик аралаш яккакураш устаси Азамат Нуфтиллаевнинг навбатдаги жанги тафсилотлари маълум бўлди.

Азамат Нуфтиллаев 28 сентябрь куни Словениянинг Льюбльяна шаҳрида бўлиб ўтадиган BraveFC 88 турнири доирасида октагонга қайтади. Унга ўша куни литвалик Павел Даилидко рақиблик қилади.

Аҳамиятлиси, жанг оғир вазнда BraveFC Лигаси чемпионлик камари учун кечади.

Маълумот учун, ҳамюртимиз фаолияти давомида 17 та жанг ўтказиб, 15 ғалаба, 1 та дуранг ва 1 та мағлубият қайд этган. Нуфтиллаев охирги жангини 2023 йил октябрь ойида Open FC 35 турнири доирасида Эдиван Сантосга қарши ўтказиб, ғалаба қозонган эди.