04 окт 08:14
Новости
Паралимпия
Ўзбекистонлик спортчи маррага иккинчи етиб келган бўлса-да, Жаҳон чемпионатида олтин медалга эга чиқди. Қандай қилиб?
Ҳиндистоннинг Нью-Дели шаҳри мезбонлигида ўтаётган пара енгил атлетика бўйича Жаҳон чемпионатида Ўзбекистон терма жамоаси 4-олтин медалига эга чиқди.
Т12 классида 400 м масофага югуриш беллашуви финалида иштирок этган ҳамюртимиз Фахриддин Хамраев 50.11 сонияда маррага иккинчи бўлиб етиб келди, бироқ биринчи натижани қайд этган марокашлик Маҳди Афри мусобақа регламентини бузгани сабабли, дисквалификация қилинди ва олтин медал ҳамюртимизга насиб этди.
Жаҳон чемпионати
Эркаклар ўртасида 400 м масофага югуриш (Т12)
1. Фахриддин Хамраев (Ўзбекистон) - 50.11
2. Ўғуз Акбулут (Туркия) - 50.84
3. Киссанапонг Тисуван (Таиланд) - 50.98.
Фахриддиннинг натижасидан сўнг медалларимиз сони 10 тани ташкил этмоқда: 4 та олтин, 4 та кумуш ва 2 та бронза.
Ссылка :
Источник : paralympic.uz
Комментарии