19 дек 19:19
Новости

Другие

Ўзбекистоннинг "мэтр" фото мухбири Анвар Илясов нуфузли танловда IAAP кумуш медали билан тақдирланди

Озарбайжон пойтахти Боку шаҳрида IAAP (Халқаро бадиий фотография ассоциацияси) ва Gilavar Photo Club of Azerbaijan ҳамкорлигида танлов ташкил этилди. Ушбу икки ташкилот ҳар йили турли йўналишларда шу каби танловларни ўтказиб келади.

Бу сафаргиси тўрт йилликнинг энг нуфузли мусобақаси - Париж-2024 Олимпиадасига бағишланди. Унда дунёнинг кўзга кўринган фото мухбирлари ўз ижод намуналари билан иштирок этди. Испания, Болгария, Озарбайжон каби давлатлардан саралаб олинган ҳакамлар ҳайъати тақдим этилган барча суратларни синчковлик билан ўрганиб чиқди.

Ўзбекистон номидан тажрибали устоз, узоқ йиллар давомида "Дунё" Ахборот агентлигида меҳнат фаолиятини олиб борган, ўзбекистонлик оммавий ахборот воситалари ходимлари орасида энг кўп Олимпиада ҳамда Осиё ўйинларида ишлаган Анвар Илясов ҳамда Ўзбекистон Миллий олимпия қўмитасининг истеъдодли фото мухбири Абдулла Файзуллаев иштирок этди.

Якунда Анвар Илясов тақдим этган "Парижни забт эт" сурати иккинчи ўринга лойиқ кўрилди. Илк бор бундай нуфуздаги танловда қатнашган Абдулла Файзуллаев эса диплом билан тақдирланди.

Қуйида Анвар Илясов танловга тақдим этган суратларга баҳо беринг!