31 июл 18:13
Новости

"Пахтакор" фахрийлари 11 август куни Минскда "Динамо"га қарши ўйнайди

1979 йилнинг 11 августда рўй берган машъум фожиага бир неча кундан кейин 45 йил тўлади.

Ўшанда Минскка йўл олган жамоамизнинг 17 нафар аъзоси авиаҳалокат туфайли ҳалок бўлган.

Орадан 45 йил ўтгач, ўша ўтказилмай қолган баҳсда Минскнинг "Динамо" ва "Пахтакор" фахрийлари Минскда майдонга тушади. "Хотира ўйини - тинчлик ўйини" шиори остидаги мазкур учрашув 11 август куни Минскдаги "Динамо-Юни" стадионида маҳаллий вақт билан соат 17:00да бошланади.

Сурат "Динамо" Минск клубига тегишли

"Пахтакор" фахрийлари сафида Аҳмад Убайдуллаев, Рустам Мирсодиқов, Геннадий Денисов, Марат Кабаев, Игорь Шквирин, Фарҳод Магомедов, Анатолий Соловьев, Александр Журавлев, Олег Синелобов, Олег Собиров каби собиқ футболчилар тўп тепиши кутилмоқда.