06 окт 11:17
Новости

Бокс/ММА

Перейра Чимаевнинг чақирувига жавоб берди: "Йўқ!"

Магомед Анкалаев билан реванш жангида UFC чемпионлик камарини қайтариб олган Алекс Перейра Хамзат Чимаевнинг чорловига жавоб қайтарди.

"Табриклайман, Алекс! Энди ишимизни тугатишимиз керак", - деб ёзди "Borz" ижтимоий тармоқдаги саҳифасига.

Бразилиялик аралаш яккакураш устаси бунга жавобан айни дамда уни фақат оғир вазн тоифасидаги супержанг қизиқтираётганини маълум қилди.

"Табрик учун раҳмат, лекин менга супероғир вазнда супержанг керак. Унга фақат шуни айтишим мумкин - раҳмат!", - деди Перейра турнирдан кейинги матбуот анжуманида.

Эслатиб ўтамиз, ярим оғир вазн тоифаси чемпионлик камар учун кечган жангнинг 80-сониясидаёқ Алекс Анкалаевни техник нокаутга учратиб, ўз унвонини қайтариб олганди.