06 июл 07:02
Новости

Бокс/ММА

"Питбуль" иштирокидаги Bellator 283 марказий жанги бекор қилинди

Енгил вазнда амалдаги Bellator чемпиони Патрики "Питбуль" Фрейре 22 июль куни ўз камарини даъвогар Сидни Аутлоудан ҳимоя қилиши керак эди.

Вазиятга яқин манбаларнинг хабар беришича, бразилиялик чемпион машғулот чоғида жароҳат орттириб олган. Бунинг натижасида унинг 22 июлга белгиланган жанги бекор қилинган. Bellator 283 турнири АҚШнинг Вашингтон штати Такома шаҳрида ўтказилади.

Хабарда айтилишича, "Питбуль" машғулотларга икки ҳафтадан сўнггина қайта олади. Ҳозирча Bellator промоушени вазиятга расмий муносабат билдирмади. Bellator 283 турнирининг Co-main event жанги яримўрта вазнда ташкилотнинг собиқ чемпиони Даглас Лима ҳамда Жейсон Жексон ўртасида бўлиб ўтади.

Эслатиб ўтамиз, 36 ёшли Патрики Фрейре ўтган йилнинг ноябрь ойида акаси Патрисио Фрейре томонидан вакант қолдирилган камарни қўлга киритган эди. У иккинчи раундда Питер Куиллини техник нокаутга учратганди.