Полвонларимиз Ҳиндистонда ўтган "Дўстлик" кубогида 20 та медаль қўлга киритишди

Мазкур фестивал доирасида Ўзбекистон, Россия ва Ҳиндистон давлати ўртасида белбоғли кураш бўйича халқаро "Дўстлик" деб номланган турнир ҳам ўтказилди.

Халқаро мусобақада Ўзбекистон белбоғли кураш федерацияси раиси Равшан Дастиров бошчилигида Осиё белбоғли кураш конфедрацияси президенти Мўмин Муратов, Осиё белбоғли кураш конфедрацияси президенти ёрдамчиси Бекзод Болтабаев, терма жамоа бош мураббийи Ойбек Муллабоев, халқаро тоифадаги ҳакамлар Элмурод Абдуллаев, Жамшидбек Эгамов ва полвонларизмиздан иборат 20 нафар спорт делегациямиз иштирок этиб, муносиб натижаларни қўлга киритишди. 

Ғолиб ва совриндорларимиз: 

Белбоғли кураш классик йўналиши 

Эркаклар: 

Олтин медаль

57 кг. Ҳанабой Ўрайимов

62 кг. Аббос Аҳмаджонов

75 кг. Муроджон Ҳамидов

82 кг. Достонбек Обиджонов

90 кг. Самандар Абдусаломов

+100 кг. Азимжон Йўлдошев

Кумуш медаль 

100 кг. Нурбек Исоқов 

Бронза медаль

68 кг. Бекпўлат Боқиров

Аёллар

Олтин медаль 

52 кг. Фарангиз Абдунабиева

+76 кг. Шириной Йўлдошева

Кумуш медаль 

58 кг. Феруза Собирова

Бронза медаль 

76 кг. Дилдора Мамадалиева

76 кг.  Мухлиса Рустамова

Белбоғли кураш эркин йўналиши: 

Олтин медаль 

57 кг. Ҳасанбой Ўрайимов

62 кг. Аббос Аҳмаджонов

+100 кг. Азимбой Йўлдошев

Кумуш медаль 

68 кг. Бекпўлат Боқиров 

75 кг. Муроджон Ҳамидов 

82 кг. Достонбек Обиджонов 

90 кг. Самандар Абдусаломов 

100 кг. Нурбек Исақов

Якуний натижаларга кўра, полвонларимиз умумжамоа ҳисобида фахрли биринчи ўринни банд этишди. 

Ушбу халқаро турнир доирасида Ўзбекистоннинг Ҳиндистондаги элчихонаси кўмагида Ҳиндистоннинг бир қатор вазирлик ва идораларининг юқори лавозимдаги масъуллари, парламент аъзолари билан Осиё белбоғли кураш конфедрацияси ҳамда Ўзбекистон белбоғли кураш федерацияси ўртасида ҳамкорликка оид муҳим учрашувлар ўтказилди.

Шунингдек, Ўзбекистон белбоғли кураш федерацияси ва Ҳиндистон белбоғли кураш федерацияси ўртасида икки томонлама белбоғли курашни янада ривожлантиришга оид меморандум имзоланди. Ўтказилган музокараларда "Дўстлик" кубоги анаъанавий турнирга айлантирилиб, навбатдаги мусобақа 2026 йил Тошкентда ўтказилиши белгиланди. 

Турнирнинг тантанали очилиш ва тақдирлаш маросимида Ўзбекистоннинг Ҳиндистондаги Фавқулодда ва Мухтор элчиси Сардор Рустамбоев иштирок этди. 

Илҳом РАҲМОНОВ тайёрлади