Prezident Kubogi. Бироздан сўнг Нодирбек Абдусатторов дербида пешқадамга қарши партияни бошлайди

Дунёнинг кўзга кўринган гроссмейстерлари мукофот жамғармаси 75 000 АҚШ долларини ташкил этувчи Prezident Kubogi мусобақаси бош соврини учун баҳс олиб боришяпти. А гуруҳида қўшимча кўрсаткичларга кўра пешқадамлик қилаётган Ортиқ Ниғматов (2447) соат 14:00да бошланадиган 5-турда биринчи рақамли шахматчимиз Нодирбек Абдусатторов (2777)га қарши оқ доналарда ўйнайди. Иккала шахматчимиз ҳам 3,5 тадан очкога эга бўлиб турибди.  

Яна иккита жуфтликда 3,5 очкодан жамғарган шахматчилар ўзаро муносабатларига ойдинлик киритиб олишади. Гроссмейтеримиз Жавоҳир Синдаров (2682) FIDE байроғи остида ҳаракат қилаётган россиялик Иван Землянский (2543)га қарши баҳс олиб боради. Кеча Нодирбек Абдусатторовдан очко тортиб олган Мурали Картекян (Ҳиндистон, 2625) ватандоши Ниҳал Сарин (2676) билан ҳисоб-китоб қилади. 

Уч очкога эга гроссмейстеримиз Муҳиддин Мадаминов (2501) иккинчи рақамли иштирокчи (Эрон, 2712)га қарши оқ доналарда ўйнайди. Шамсиддин Воҳидов (2681) 5-турда россиялик Алексей Александров (2425) билан тўқнаш келади. Нодирбек Якуббоев (2668) эса ўз сингари 3 очко тўплаган қозоғистонлик Аристанбек Уразаев билан учрашади.