02 июл 09:06
Новости
Велоспорт, Паралимпия
Президент топшириғи билан пара велоспортчимиз Фотима Саиповага уй совға қилинди + ФОТО
Ўзбекистон Республикаси Президенти Шавкат Мирзиёевнинг топшириғи билан Тошкент вилояти фарзанди, паравелоспорт бўйича Ўзбекистон миллий терма жамоаси аъзоси Фотима Саиповага янги уй берилди.
Тошкент вилояти ҳокими Зойир Мирзаев ҳамда вилоят фаоллари, оммавий ахборот воситалари ходимлари иштирокида хонадон калитлари спортчига топширилди.
Чирчиқ шаҳридаги “Янги Ўзбекистон” массивида янги қурилган кўп қаватли уйлардан 2 хонали, барча қулайлик ва жиҳозлар билан таъминланган хонадон берилди.
Маълумот ўрнида, Фотима Саипова сўнгги 4 йил мобайнида пара велоспорт турида фаол фаолият юритиб, Ўзбекистон миллий терма жамоаси таркибида халқаро мусобақаларда юртимиз шарафини муносиб ҳимоя қилмоқда. У мамлакат чемпионатларида 4 марта ғолибликни қўлга киритган.
Яқинда Таиландда ўтказилган Осиё чемпионатида шоссе йўналишида 1-ўриннни эгаллаган эди.
Ссылка :
Комментарии