08 окт 14:47
Новости

ПСЖ энди Обамеянгни харид қилмоқчи

Теги : ПСЖ

"Пари Сен-Жермен" клуби "Челси"нинг габонлик ҳужумчиси Пьер-Эмерик Обамеянгга қизиқиш билдирмоқда.

Манбага кўра, Франция клуби келаси ёзда футболчини сотиб олишга уринади. Парижда ҳужумчини ротация ўйинчиси сифатида қарашмоқда.

ПСЖ Обамеянгни ёзда сотиб олиш учун музокараларни бошлаб юборди. Агар Париж клуби расман таклиф билан чиқадиган бўлса, "Челси" габонликнинг йўлини тутиб қолмоқчи эмас. Футболчи узоқ вақтдан буён ПСЖнинг мухлиси бўлиб келган ва жамоани айни пайтда бошқариб бораётган Кристоф Гальтье билан ўн йил аввал "Сент-Этьен"да бирга ишлагани боис бегона эмас.

Франция чемпионлари ёзнинг катта қисмини Киллиан Мбаппенинг ўрнини тўлдириши мумкин бўлган ҳужумчи билан шартнома имзолашга ҳаракат билан ўтказди. Бироқ бундай трансфер содир бўлгани йўқ. Обамеянг орқали эса бу ният амалга ошиши эҳтимоли катта.

33 ёшли Обамеянг жорий мавсум "Челси" сафида 5 та ўйинда майдонга тушиб, 2 та гол урди ва 1 та голли пас узатди. Унинг клуб билан ҳамкорлиги 2024 йилнинг ёзига қадар мўлжалланган.

Ссылка :

Источник : Footmercato

Рейтинг: