08 янв 17:48
Новости

Теннис

Пуна турнирининг жуфтлик соврини Бельгияга кетди

Ҳиндистоннинг Пуна шаҳрида ўтказилган ATP турнирининг жуфтликлар баҳсида ҳам ғолиблар аниқланди.

Етмиш бир дақиқа давом этган ҳал қилувчи финал учрашувида бельгияликлар Сандер Жилле ва Йоран Флиген мезбон теннисчилар - Шрирамбалай Нараянасвами ҳамда Жейван Недунчезиян ҳамкорлигини 6/4, 6/4 ҳисобида мағлуб этди.

Tata Open Maharashtra турниридаги муваффақиятли иштирок Жилле ва Флиген учун ҳамкорликдаги олтинчи соврин бўлиш баробарида, уларга 250 рейтинг очкоси ҳамда 33,960 АҚШ доллари келтирди. Нараянасвами ва Недунчезиян эса 150 балл ва 18,170 долларга эга бўлишди.