22 ноя 16:08
Новости

Бокс/ММА

Пётр Ян реванш мақомидаги чемпионлик жанги учун АҚШга йўл олди + ФОТО

6 декабрь куни АҚШнинг Лас-Вегас шаҳридаги "T-Mobile Arena"да UFC`нинг рақамланган турнири бўлиб ўтади.

UFC 323 оқшомининг асосий жанги ўта енгил вазн тоифасида амалдаги UFC чемпиони, грузиялик 34 ёшли Мераб Двалишвили ҳамда россиялик 32 ёшли собиқ чемпион Пётр Ян ўртасида кечади.

Пётр Ян чемпионлик жанги ва мағлубият учун реванш олиш мақсадида АҚШга йўл олди.

"Олдинда узоқ йўл: Москва — Дубай — Лос-Анжелес — Лас-Вегас", — дея тегишли сурат остида кичик изоҳ қолдирган Ян.

Маълумот учун, Петр профессионал ММАда 19 ғалаба ва 5 мағлубият қайд этган. Мераб эса ММАдаги фаолиятини Ян сингари 2014 йилнинг январь ойида бошлаган. 2017 йилнинг декабридан UFC жангчиси сифатида октагонга чиқиб келяпти. Айни пайтда Двалишвили 14 ғалабали серия билан келмоқда. Бу ўзи жанг қилаётган дивизион учун UFC рекорди ҳисобланади.