30 ноя 11:19
Новости

Бокс/ММА

Пётр Ян UFC 323 олдидан сўнгги машғулотларини ўтказмоқда + ФОТО

Ўта енгил вазн (61 кг гача) тоифасида собиқ UFC чемпиони россиялик Пётр Ян 7 декабрь кунги жангига тайёргарликни давом эттирмоқда.

У шу куни АҚШнинг Невада штати Лас-Вегас шаҳрида бўлиб ўтадиган UFC 323 турнирида амалдаги чемпион грузиялик Мераб Двалишвилига қарши реванш жангида октагонга чиқади. Ҳозирда Ян АҚШда йилнинг сўнгги рақамланган UFC турнирига тайёргарликни якунламоқда.

Маълумот учун, 32 ёшли Пётр Ян профессионал ММАдаги дебютини 2014 йилда ўтказган. 2018 йилдан бери UFC октагонида жанг қилиб келмоқда. 2020 йил июль ойида у бразилиялик Жозе Альдони техник нокаут эвазига мағлуб этиб, ўта енгил вазн тоифасида чемпион бўлганди. Унинг ҳисобида 11 ғалаба ва тўртта мағлубият бор.