07 июл 13:59
Новости
Бокс/ММА
Қозоғистон ўз мезбонлигидаги Жаҳон кубогидан кейин медаллар жамғариш рейтингида иккинчи ўринга кўтарилди, биз ҳамон пешқадаммиз!
Кеча Қозоғистоннинг Астана шаҳрида бокс бўйича World Boxing Жаҳон кубоги ниҳоясига етди.
Мусобақада Ўзбекистон аёллар терма жамоаси иштирок этиб, якунда вакилимиз Навбаҳор Ҳамидова олтин медалга эга чиқди. Бундан ташқари, яна 4 та бронза медалига эга чиқдик.
Мезбон Қозоғистон терма жамоаси эса умумий ҳисобида 16 та медаль (8 та олтин, 4 та кумуш ва 4 та бронза) қўлга киритишнинг уддасидан чиқди.
Астанадаги мусобақа якунига кўра медаллар жамғариш рейтингида пешқадамликни сақлаб қолдик. Ҳозирча ҳисобимизда 12 та олтин, 4 та кумуш ва 11 та бронза, жами 27 та медаль мавжуд.
Қозоғистон эса ўз мезбонлигидаги босқичдан кейин иккинчи ўринга кўтарилиб олди. Қўшниларимизда 11 та олтин, 7 тадан кумуш ва бронза медаллари бор.
Жаҳон кубогининг якунланган учта босқичига кўра медаллар жамғариш рейтинги:
Ссылка :
Источник : olamsport.com
Комментарии