Қозоғистон президенти вазирга "легионерлар" сонини қисқартириш бўйича топшириқ берди

Давлат раҳбари Қозоғистон туризм ва спорт вазири Ербол Мирзабосиновга бир нечта йўналишлар бўйича амалга оширилиши керак бўлган ишлар ҳақида топшириқ берди. Унда спорт федерациялари фаолиятини оптималлаштириш, спорт соҳасини вертикал бошқариш, болалар-ўсмирлар спортини ривожлантириш, ҳакамлар ва мутахассислар тажрибаси, яъни квалификациясини ошириш, терма жамоалар таркибидаги легионерлар сонини камайтириш, маҳаллий спортчиларга эътибор қаратиш, халқаро федерациялар ва спорт ташкилотлари билан кенг қамровли ҳамкорликни йўлга қўйиш каби масалалар тилга олинди.  

Қозоғистон президенти Ербол Мирзабосинов билан учрашув якунида олдинда турган комплекс мусобақаларга жиддий тайёргарлик кўриш кераклигини уқтирди.