09 мая 13:20
Новости

Теннис

Қозоқ теннисчиси жорий мавсум WTA 1000 турнирларидаги 12-ғалабасини қўлга киритди. Бу Турдаги тўртинчи натижа!

Дунёнинг 41-ракеткаси бўлиб турган Юлия Путинцева Римда давом этаётган WTA 1000 турниридаги иштирокини ғалаба билан бошлади.

Қозоғистонлик теннис маликаси учун бу жорий мавсум WTA 1000 тоифасига кирувчи турнирлардаги 12-ғалаба бўлди. Путинцева турнирнинг илк даврасида испаниялик Мартина Тревизанни 6/3, 6/4 ҳисобида таслим этди.

Бу Турдаги тўртинчи натижа ҳисобланади. Қозоғистонлик теннисчидан олдинги ўринларни польшалик Ига Свёнтек (21 ғалаба), яна бир қозоқ теннисчиси Елена Рибакина (15) ҳамда америкалик Даниэль Коллинз (13) банд этган.

Эслатиб ўтамиз, Юлия Путинцева Майами ва Мадрид турнирларида 1/4, Индиан-Уэллсда эса 1/8 финалга қадар етиб борганди. Доҳа ва Дубайдаги WTA 1000 турнирларида эса у квалификация, яъни саралаш босқичидан ўта олмаган эди.