22 июн 11:36
Новости

Теннис

Queen's Club. Карлос Алькарас бу йилги мавсумда олтинчи финалига чиқди

Дунёнинг иккинчи ракеткаси Карлос Алькарас Лондонда якунига етиб бораётган ATP турнирининг финал иштирокчисига айланди.

Испаниялик теннисчи 1/2 финалда ATP рейтингида 51-поғонада бораётган ватандоши Роберто Баутиста-Агутни икки сетда ҳам бир хил ҳисобда мағлубиятга учратди - 6/4, 6/4. Ҳамюртларнинг ўзаро учрашувларидаги ҳисоб йириклашди - 3:0.

Саксон икки дақиқа давом этган баҳсда Алькарас 8, Баутиста-Агут 12 та эйс зарбасини амалга оширди. Карлоснинг ғалабали серияси 17 та учрашувга етди. Бу унинг фаолиятидаги энг узун мағлубиятсиз серия ҳисобланади.

Шунингдек, испаниялик теннисчи бу йилги мавсумдаги ўзининг олтинчи финалига чиқди. У бунгача Роттердам, Барселона, Монте-Карло, Рим ва "Ролан Гаррос" турнирлари финалларида ўйнаган эди. Бугун Алькарас бош соврин учун чехиялик Иржи Лехечкага қарши кортга чиқади.