Рафаэль Надаль Nordea Open 1/4 финалида

Грунт қироли Рафаэль Надаль Nordea Open турнирининг чорак финал иштирокчисига айланди. Айни пайтда ATP рейтингида 261-поғонада бораётган испаниялик афсона иккинчи давра учрашувида дунёнинг 42-ракеткаси, британиялик Кэмерон Норринии икки сетда ҳам бир хил ҳисобда мағлуб этди - 6/4, 6/4.

Теннисчиларнинг ўзаро учрашувларида Рафа катта фарқ билан олдинда бормоқда - 5:1. Бир соату 44 дақиқа давом этган баҳсда Надаль 5, Норри 1 та эйс зарбасини амалга оширган. Иккала теннисчи ҳам қўшхатога йўл қўймади. Брейклар Рафаэль фойдасига ҳал бўлди - 3 га 1! Энди Надаль аргентиналик Мариано Навонега қарши кортга чиқади. У ўз ўрнида ҳиндистонлик Сумит Нагалдан 6/4, 6/2 ҳисобида устун келди.