22 июл 09:48
Новости

Теннис

Рафаэль Надаль ва Эмма Радукану ESPY мукофоти соҳиблари!

Испаниялик афсона Рафаэль Надаль ҳамда британиялик теннис маликаси Эмма Радукану нуфузли ESPY мукофотига лойиқ кўрилишди.

Ушбу премия Американинг ABC телевизион сети томонидан тақдим этиб келинади. Надаль "йил теннисчиси" деб топилган. У жорий мавсумда икки "Катта Дубулға" турнирлари - Australian Open ва "Ролан Гаррос"да бош совринни қўлга киритди. Бу билан Рафа "Катта Дубулға" турнирларини ютиш бўйича якка пешқадамга айланиб олди.

Эмма Радукану эса йилнинг энг яхши аёл теннисчиси дея эътироф этилди. У амалдаги АҚШ Очиқ чемпионати ғолибаси ҳисобланади.