05 июл 10:41
Новости

Бокс/ММА

Рамазон Темиров: "Оғир ҳафтани тугатиб олдим" (ФОТО)

Аралаш яккакураш устамиз навбатдаги жангига тайёргарликни Таиландда давом эттирмоқда.

Ҳамюртимиз 26 июль куни БАА пойтахти Абу-Даби шаҳрида ташкил этиладиган UFC турнири доирасида қозоғистонлик Асу Алмабаевга қарши октагонга кўтарилади. Айни пайтда Темиров дивизион рейтингида 13, Алмабаев эса 9-ўринни эгаллаб турибди. Насиб қилса, бўлажак жангдан кейин бу ўринлар алмашади.

"Алҳамдулиллаҳ, яна бир оғир ҳафтани тугатиб олдим. Ин Ша Аллоҳ, жангга хам 21 кун вақт қолди. Дуо қилиб туринглар, азизларим. Чиройли ғалаба билан сизларни хурсанд этишга ҳаракат қиламан", - дея ўзининг инстаграм саҳифасида сурат жойлаб, унинг тагида изоҳ қолдирган Темиров.

Аввалроқ, ўзбекистонлик UFC жангчиси дивизионнинг амалдаги чемпиони, бразилиялик Александр Пантожа билан жанг қилиш истагини билдирган эди.