07 апр 08:30
Новости

Бокс/ММА

Расман: Алекс Волкановски ўз камарини вақтинчалик чемпион — Яир Родригесдан ҳимоя қилади

Алекс Волкановскининг навбатдаги жанги тафсилотлари маълум бўлди.

Ярименгил вазн тоифасида австралиялик UFC чемпиони Алекс Волкановски навбатдаги ҳимоя жангини мазкур вазннинг вақтинчалик чемпиони, мексикалик Яир Родригесга қарши ўтказади. Жанг 8 июль куни Лас-Вегасда (АҚШ) ташкил этиладиган UFC 290 турнирида ўтказилади ва кечанинг асосий воқелиги бўлади.

Волкановски сўнгги жангини енгил вазн тоифасида ўтказган эди. Унга вазн чемпиони Ислам Махачев рақиблик қилган эди. Мазкур жангда Алекс ҳакамларнинг якдил қарори билан мағлуб бўлган эди. Яир Родригес эса охирги жангида Жош Эмметни енгиб, ярименгил вазннинг вақтинчалик чемпионига айланган эди.