19 сен 11:15
Новости

Бокс/ММА

Расман! Ҳамюртимиз билан жанг қилган Нурмагомедовнинг навбатдаги рақиби ва жанг санаси эълон қилинди + ПОСТЕР

26 октябрь куни БААнинг Абу-Даби шаҳрида UFC 308 турнири ўтказилади.

Ушбу оқшомдан ўрин олган навбатдаги жанг ҳам эълон қилинди.

Энг енгил вазн тоифасида россиялик аралаш яккакураш устаси Саид Нурмагомедов айнан UFC 308 турнирида октагонга кўтарилади. Унга ўша куни бразилиялик Даниэль Сантос рақиблик қилади.

32 ёшли Нурмагомедов (18-3-0) UFC'да ҳозирга қадар 7 та ғалаба ва 2 та мағлубият қайд этган. Саид 2022 йилда ўзбекистонлик собиқ UFC жангчиси Саидёқуб Қаҳрамонов билан жанг қилиб, ғалаба қозонган эди. Унинг бўлажак рақиби — Даниэль Сантос (12-2) ҳисобида эса UFC'да қўлга киритилган 2 ғалаба ва 1 та мағлубият бор.

Маълумот ўрнида, UFC 308 турнири доирасида ҳамюртимиз Нурсултон Рўзибоев Россия вакили Ринат Фахретдинов билан жанг қилади.