24 дек 09:35
Новости

Бокс/ММА

Расман! Кёртис Блэйдс кейинги жангини россиялик дебютантга қарши ўтказади

Оғир вазн тоифасида вақтинчалик UFC чемпионлик камарига даъвогар Кёртис Блэйдснинг навбатдаги жанги расман тасдиқланди.

Америкалик аралаш яккакураш устаси россиялик Ризван Куниевга қарши октагонга чиқади. Бу Ризван учун дунёнинг энг кучли лигасидаги дебют жанг бўлади. Ушбу жанг 23 февраль куни АҚШнинг Вашингтон штати Сиэтл шаҳрида ташкил этиладиган UFC Fight Night 252 турнири доирасида бўлиб ўтади.

Эслатиб ўтамиз, Кёртис сўнгги жангини шу йилнинг 29 июль куни Манчестер шаҳридаги UFC 304 турнирида англиялик Том Аспиналлга қарши ўтказганди. Вақтинчалик UFC чемпионлик камари учун кечган ўша тўқнашувда Том биринчи раунддаёқ Блэйдсни нокаутга учратган эди.

Ризван Куниев эса шу йилнинг 21 август куни Dana White's Contender Series даъвогарлар турнирида бразилиялик Уго Куньени биринчи раундда техник нокаут эвазига таслим этганди.