Расман. Мирафзал Ахтамовнинг LFA 194 турниридаги янги рақиби маълум + ПОСТЕР

Хабар берганимиздек, оқшомнинг асосий карди доирасида ҳамюртимиз Мирафзал Ахтамов октагонга кўтарилади. Унга ўша куни америкалик Скотти Стокман рақиблик қилади. Жанг оқшомнинг иккинчи асосий беллашуви (co main event) бўлади.

Аслида, Ахтамовга турнир доирасида Седрик Гуннисон (7-3) рақиблик қилиши керак эди, аммо у номаълум сабабларга кўра сафдан чиқди.

Эслатиб ўтамиз, Мирафзал Ахтамов сўнгги жангини 2023 йил 17 ноябрь куни LFA 172 турнири доирасида Кейт Доусонга қарши ўтказиб, ғалаба қозонган эди. Унинг ҳисобида 6 ғалаба ва 1 дуранг бор. Скотти Стокман эса ҳозиргача 14 та жанг ўтказиб, 10 та ғалаба ва 4 та мағлубият қайд этган.