14 дек 08:34
Новости

Бокс/ММА

Расман! Қозоғистон Олимпиада-2028`дан олдинги Жаҳон чемпионатига мезбонлик қилади

Халқаро World Boxing федерацияси расман Қозоғистоннинг Астана шаҳрини 2027 йилги Жаҳон чемпионатининг мезбони сифатида эълон қилди.

Лос-Анжелес-2028 Олимпиадасидан олдин ўтказиладиган ушбу дунё биринчилигининг аҳамияти бошқа йиллардаги жаҳон чемпионатидан юқори ҳисобланади. Мусобақанинг ўтказилиш санаси бўйича кейинроқ хабар берилади.

— Қозоғистон учун Олимпиада олдидан ўтказиладиган жаҳон чемпионатини қабул қилиш катта шараф. Мамлакатимиз катта масштабдаги мусобақаларни юқори савияда ташкил этиш бўйича етарлича тажрибага эга. Бизга ишонч билдирган World Boxing ташкилотига миннатдорлик изҳор қилмоқчиман. Ўйлайманки, Қозоғистон жаҳон чемпионатини муносиб тарзда ўтказади", - деди Қозоғистон Миллий олимпия қўмитаси президенти, World Boxing Олимпия комиссияси раиси Геннадий Головкин.

Маълумот учун, Қозоғистон иккинчи бор бокс бўйича катталар ўртасидаги жаҳон чемпионатига мезбонлик қилади. Бундан аввал ЖЧ-2013 Алмати шаҳрида ўтказилган эди.