Расман. Шоҳасан Мирзаматов "Ҳумо Арена"да реванш жангини ўтказади

Турнирнинг навбатдаги эътиборга молик жанги эълон қилинди.

Яримўрта вазн тоифасида ўзбекистонлик аралаш якка кураш устаси Шоҳасан Мирзаматов мусобақа доирасида Бразилия вакили Педро Фариас билан тўқнаш келади.

Бу икки спортчи учун ўзаро иккинчи жангга айланади. Октябрь ойида ташкил этилган илк беллашув Фариаснинг ғалабаси билан якунланганди.

Маълумот ўрнида, 34 ёшли Мирзаматов шу кунгача 17 та жанг ўтказиб, 13 та ғалаба ва 4 та мағлубият қайд этган. Педро Фариаснинг ҳисобида эса 11 та ғалаба ва 7 та мағлубият бор.

Аввалроқ, турнир доирасида Анвар Абдуллаев, Муҳиддин Мамажонов каби ҳамюртларимиз жанг қилиши ҳақида хабар бергандик.