20 июн 10:14
Новости

Бокс/ММА

Расман. Шоҳжаҳон Эргашев ниҳоят машҳур ва тажрибали боксчи билан жанг қилади + ПОСТЕР

Биринчи яримўрта вазн тоифасида IBF камари учун ўзбекистонлик собиқ даъвогар Шоҳжаҳон Эргашевнинг кейинги жанги эълон қилинди.

Ҳамюртимиз аввал хабар берганимиздек, 2 июль куни Туркиянинг Истанбул шаҳридаги Rixos Tersane мажмуасида ташкил этиладиган IBA.Pro 7 турнири доирасида рингга кўтарилади.

Ташкилот матбуот хизматининг хабар беришича, Эргашев ўша куни Арманистон вакили, таниқли Ованнес Бачков билан тўқнаш келади.

Маълумот учун, 33 яшар Шоҳжаҳон Эргашев фаолияти давомида ҳозирга қадар 27 та жанг ўтказиб, 25 ғалаба ва 2 та мағлубият қайд этган. 32 ёшли Ованнес Бачков ҳисобида эса 7 та ғалаба бор.

IBA.Pro 7 турнирининг марказий жанги ташкилотнинг супер ярименгил вазн тоифасидаги чемпионлик камари учун Альберт Батиргазиев ҳамда Жеймс Диккенс ўртасида кечади.