17 ноя 08:15
Новости

Бокс/ММА

Расман. Тагир Уланбеков UFC 296 турнирида жанг қилади + ПОСТЕР

17 декабрь куни АҚШнинг Лас-Вегас шаҳрида жойлашган "Т-Mobile Arena" мажмуасида UFC 296 мусобақаси бўлиб ўтади.

Ташкилотчилар мусобақадан ўрин олган навбатдаги жангни эълон қилишди. Унга кўра, ўта енгил вазнда россиялик аралаш якка кураш устаси Тагир Уланбеков (14-2-0) UFC 296 турнирида октагонга кўтарилади. Унга ўша куни америкалик Коди Дарден (16-4-1) рақиблик қилади. Жанг прелим кард доирасида 3 раунддан иборат бўлади.

Маълумот ўрнида, UFC 296 турнирининг марказий жанги ярим ўрта вазн чемпионлиги учун Леон Эдвардс ҳамда Колби Ковингтон ўртасида кечади.

Эслатиб ўтамиз, Тагир Уланбеков сўнгги жангини 2022 йилнинг 6 ноябрь куни америкалик Нейт Манессга қарши ўтказиб, биринчи раунддаёқ ғалабага эришган эди. Коди Дарден эса охирги жангини шу йил август ойида Жек Хедлига қарши ўтказиб, очколар ҳисобига кўра ғолиб бўлган эди.