25 янв 09:53
Новости

Бокс/ММА

Расман. UFC 300 турнирининг навбатдаги жанги эълон қилинди (Постер)

Жорий йилнинг 14 апрель куни UFC Лас-Вегасдаги "T-Mobile Arena" мажмуасида ўзининг юбилей, 300-мусобақасини ташкил этади.

Кеча ташкилотчилар мусобақанинг яна бир жангини эълон қилди.

Унга кўра, ярим енгил вазн тоифасида нигериялик аралаш якка кураш устаси Содиқ Юсуфф (13-3-0) турнир доирасида бразилиялик Диего Лопесга (23-6-0) қарши октагонга чиқади.

Жанг прелим кард доирасида ўтказилади.

Таъкидлаш жоиз, ҳозирча UFC ўзининг 300-турнири учун марказий жангни эълон қилганича йўқ. Аммо инсайдерларнинг сўзларига кўра, мусобақанинг марказий жанги ярим ўрта вазн чемпиони Леон Эдвардс ва Белал Муҳаммад ўртасида кечади.