20 окт 08:56
Новости

Бокс/ММА

Расман! UFC Царукян - Хукер ва яна бир қизиқарли жангни тасдиқлади + ПОСТЕР

UFС матбуот хизмати томонида 22 ноябрь куни Қатар пойтахти Доҳа шаҳрида ўтказиладиган UFC турнирининг асосий жанги эълон қилинди.

Унда кутилганидек, енгил вазн тоифаси вакиллари асли арманистонлик, ҳозирда Россия шарафини ҳимоя қилаётган 28 ёшли Арман Царукян амаерикалик 35 яшар Ден Хукерга қарши октагонга чиқади. Оқшом доирасидаги яна бир қизиқарли жанг собиқ UFC чемпиони Белал Муҳаммад ҳамда Гарри Мачадо ўртасида ўтказилади.

Маълумот учун, Царукян 2019 йилда UFC лигасида дебют қилган. Сўнгги жангини 13 апрель куни Лас-Вегасда ташкил этилган юбилей UFC 300 турнирида бразилиялик собиқ чемпион Чарльз Оливейрага қарши ўтказиб, ҳакамларнинг айри қарори билан ғалаба қозонганди.

Ден Хукернинг ММАдаги рекорди 24 ғалаба, 12 мағлубиятдан иборат. Жангларининг 18 тасини муддатидан аввал якунлаган. Янги зеландиялик атлет охирги жангини 2024 йилнинг 17 август куни Австралиянинг Перт шаҳрида ташкил этилган UFC 305 турнирида польшалик Матеуш Гамротга қарши ўтказиб, ҳакамларнинг айри қарори билан зафар қучганди.