08 янв 09:59
Новости

Бокс/ММА

Расман! UFC Fight Night 252 турнирининг асосий ва co-main event жанги тасдиқланди + ПОСТЕР

22 февраль куни АҚШнинг Сиэтл шаҳрида UFC Fight Night 252 турнири бўлиб ўтади.

Ташкилотчилар ушбу оқшомнинг марказий ва co-main event жангларини тасдиқлашди. Икки вазн тоифасида собиқ UFC чемпиони америкалик Генри Сехудо асосий жангда хитойлик Сонг Ядонгга қарши октагонга чиқади.

Муҳимлиги жиҳатидан иккинчи жангда америкалик Роб Фонт 61 килограммгача вазнда UFC камарининг собиқ соҳиби Доминик Круз билан тўқнаш келади. UFC матбуот хизмати ҳар икки жанг промоушен раҳбарлари томонидан расман тасдиқланганини эълон қилди.

Эслатиб ўтамиз, Генри Сехудо сўнгги жангини ўтган йилнинг 18 февраль куни UFC 298 турнири доирасида грузиялик Мераб Двалишвилига қарши ўтказиб, очколар ҳисобига кўра имкониятни бой бериб қўйганди.