Расман! UFC Рамазон Темировни допинг учун қанча муддатга четлатгани маълум бўлди

Аралаш яккакураш устамиз UFC Антидопинг сиёсати қоидаларини бузгани учун бир йилга четлатиш олди. Бу ҳақда промоушеннинг расмий сайтида хабар берилди.

Темировда тақиқланган триметазидин (TMZ) — препарати аниқланган эди. Ушбу модда юрак етишмовчилиги ва бошқа юрак касалликларида қўлланиладиган, тақиқланган UFC ADP рўйхатидаги гормонал ва метаболик модуляторлар синфига киради. TMZ UFC ADP қоидаларига мувофиқ ҳар қандай вақтда тақиқланган. Тақиқланган модда мавжуд бўлган намуна Темировдан 2025 йил 12 июнь куни Таиланднинг Пхукет шаҳридаги мусобақадан ташқари даврда, кейин эса 2025 йил 4 июлда айнан Пхукетда қайта олинган. Темиров 12 июндан 4 июль куни топширган тести ижобий чиққани ҳақида хабардор қилинмагани сабабли, иккала ҳолат ҳам UFC ADP қоидалари бўйича битта қоидабузарлик сифатида кўрилади. 

CSAD бу мавзуда Темиров билан атрофлича суҳбатлашди ва TMZдан фойдаланиш фактини очиқчасига тан олди. Шу билан бирга, у қўллашдан олдин препаратнинг ҳолатини текширмаган ва уни тайинлаган шифокорга тестдан ўтган спортчи эканлигини айтмаган. Бироқ, Темиров дори унга тиббий кўрсатмалар бўйича буюрилганини ва чекланган вақт давомида қўлланилганини исботини тақлим этди, бу эса спорт натижаларини яхшилаш учун мумкин бўлган таъсирни минималлаштирди.

Маълумот учун, Рамазон Темиров UFC’да иккита жанг ўтказиб, ҳар иккисида ғалаба қозонган.