16 июн 12:13
Новости

Бокс/ММА

Расман: Умар Нурмагомедов илк бор UFC турнирининг марказий жангида октагонга кўтарилади

5 август куни АҚШнинг Нэшвилл шаҳрида ўтказиладиган UFC турнирининг марказий жангида кимлар октагонга чиқиши маълум бўлди.

Оқшомнинг марказий жангида Умар Нурмагомедов ва Кори Сэндхаген ўзаро тўқнаш келади.

Ҳозирда 27 ёшли Умар Нурмагомедов UFC промоушенида 4 та ғалабали серия билан келмоқда. Сўнгги жангида Раони Барселосни биринчи раунднинг ўзидаёқ нокаутга учратганди. 31 яшар Кори Сэндхаген эса кетма-кет 2 та жангда ғалаба қозонди. Аввалига Сонг Ядонг техник нокаутга учратилди, кейин эса Марлон Вера очколар ҳисобига кўра таслим этилди.

Айни пайтда Кори Сэндхаген UFC рейтингида тўртинчи, Умар Нурмагомедов эса ўн биринчи ўринни эгаллаб турибди.