05 янв 16:20
Новости
Расмий хабар: Виталий Денисов – АГМК футболчиси!
Жамоа навбатдаги трансферини эълон қилди.
Фаолиятининг кўп йиллик қисмида Украина ва Россиянинг номдор клубларида тўп тепган ва ўтган мавсумнинг ярмидан Жиззахнинг "Сўғдиёна" жамоасида ҳаракатланган, 2023 йилдан эътиборан эркин агентга айланган тажрибали чап қанот ҳимоячиси Виталий Денисов АГМК футбол клуби билан 1 йиллик шартнома имзолади.
Аввалроқ "Эшитдик-да" рукни остида тажрибали ҳимоячи олмалиқликлар сафига қўшилганини маълум қилган эдик. Бугун ушбу хабар ўз тасдиғини топди.
Эслатиб ўтамиз, Миржалол Қосимов қўл остидаги АГМК Анзур Исмоилов ҳамда Ойбек Рустамов билан шартнома имзолаганди. Шунингдек, АГМК "Нефтчи" ва "Навбаҳор" жамоаларида жисмоний тайёргарлик бўйича мураббий сифатида ишлаган Стоймировични жамоага жалб қилган эди.
Ссылка :
Источник : АГМК матбуот хизмати
Комментарии