26 фев 18:55
Новости

Бокс/ММА

Райан Гарсия О’Мэллига қарши "қафас"га киришга розилик берди, Шон таклиф жавобини узоқ куттирмади

Бокс бўйича енгил вазн тоифаси WBC йўналишида собиқ вақтинчалик камар соҳиби Райан Гарсия ММА, яъни аралаш яккакурашда дебют қилиш истагини билдирди.

Гарсия UFC чемпиони Шон О’Мэлли билан жанг қилмоқчи.

"Мен Шон О’Мэлли билан UFC оқшомида жанг қилишга тайёрман. Лекин Дана, бунинг учун менга ҳақиқий чек ёзиб беришингга тўғри келади", - деди Гарсия.

UFC чемпиони бу чорловнинг жавобини узоқ куттирмади.

"Мен сени бир неча дақиқа ичида йўқ қиламан", - деди О’Мэлли.

"Жуда яхши, камалаксоч, орани очиқ қилиш учун битта йўл бор. Дана, кел бу ишни амалга оширамиз", - дея фикрини давом эттирди Гарсия.

Эслатиб ўтамиз, 9 март куни Майамида ўтказиладиган UFC 299 турнирида Шон О’Мэлли ўз камарини Марлон Верадан ҳимоя қилади. Райан Гарсия эса 20 апрель куни енгил вазнда собиқ мутлақ жаҳон чемпиони Девин Хейнига қарши рингга кўтарилади. Ушбу жанг ғолиби биринчи яримўрта вазнда WBC камарини қўлга киритади.