19 дек 07:06
Новости

Спортивная борьба

Разамбек Жамалов 2024 йилни дунё рейтинги етакчиси сифатида якунлаб, пул мукофотига эга чиқди

Эркин кураш бўйича Ўзбекистон терма жамоаси аъзоси, 74 кг вазнда Париж-2024 XXXIII ёзги Олимпия ўйинлари ғолиби Разамбек Жамалов ўз вазн тоифасининг жаҳон рейтингидаги пешқадамликни сақлаб қолди.

26 ёшли спортчимиз Париж Олимпиадаси орқали жамғариб олган очколари эвазига декабрь ойи учун янгиланган рейтингда ҳам пешқадамликни ҳеч кимга бермади. Унинг ҳисобида 53 000 очко бор. Иккинчи ўриндаги америкалик Кайл Дейк ҳисобида эса 41 минг балл бор экан.

Эътиборлиси, Жамалов йилни рейтинг пешқадами сифатида якунлагани учун Бирлашган кураш иттифоқи (UWW) томонидан 5 000 АҚШ доллари билан мукофотланди.

Разамбек Жамаловдан ташқари, 57 кг вазн тоифасида Париж-2024 Олимпиадасининг бронза медалини қўлга киритган ўзбекистонлик Ғуломжон Абдуллаев ўз вазни рейтингида тўртинчи ўринда қайд этилди.